தேவையான பொருட்கள் :- வெண்ணெய் – 1/2 கப்
- சர்க்கரை – 1 கப்
- முட்டை – 2
- வெண்ணிலா எசென்ஸ் – 1 தேக்கரண்டி
- பேக்கிங் சோடா – 1/2 தேக்கரண்டி
- ஆல் பர்பஸ் ப்ளோர் – 1 1/2 கப்
- உப்பு – 1/2 தேக்கரண்டி
- தயிர் – 1/2 கப்
- வாழைப்பழம் – 3
செய்முறை :
வெண்ணெய்யை ப்ரிட்ஜில் இருந்து வெளியே எடுத்து ரூம் டெம்பரேச்சர்க்கு கொண்டு வரவும். அல்லது லேசாக உருக்கி கொள்ளவும். முட்டை, தயிர் அனைத்தையும் ரூம் டெம்பரேச்சர்க்கு கொண்டு வரவும்.
வாழைப்பழத்தை நன்றாக மசித்து தனியாக எடுத்து வைத்துக் கொள்ளவும். ஆல் பர்பஸ் ப்ளோர், உப்பு, பேக்கிங் சோடா மூன்றையும் ஒரு பௌல்லில் கலந்து வைத்துக் கொள்ளவும். ஓவனை 350 F -ல் முற்சூடு செய்து வைத்துக் கொள்ளவும்.
உருக்கிய வெண்ணெய் மற்றும் சர்க்கரையை ஒரு அகல பௌல்லில் சேர்த்து பீட்டர் வைத்து நன்றாக அடித்துக் கொள்ளவும்.
பிறகு முட்டை மற்றும் வெண்ணிலா எசென்ஸ் சேர்த்து மறுபடி பீட்டர் வைத்து நன்றாக அடித்துக் கொள்ளவும்.
பிறகு மாவு கலவையை சிறிது சிறிதாக சேர்த்து நன்றாக அடித்து கலந்து வைத்துக் கொள்ளவும்.
கடைசியாக மசித்து வைத்துள்ள வாழைப்பழம் மற்றும் தயிர் சேர்த்து ஒரு கரண்டியால் நன்றாக கலக்கவும்.
பிரட் பேன்னில் வெண்ணெய்யை நன்றாக தடவி வைக்கவும். பிறகு கலவையை பேன்னில் ஊற்றி சமநிலைப்படுத்தவும்.
ஓவனில் வைத்து 55 – 60 நிமிடம் வரை பேக் செய்யவும். ஒரு குச்சியை நடுவில் குத்தி வெந்து விட்டதா என பார்க்கவும். நன்றாக ஆறியதும் கட் செய்து பரிமாறவும். சுவையான வாழைப்பழ பிரட் ரெடி.
Cap comentari:
Publica un comentari a l'entrada